कीर्तन की है रात बाबा
आज थाने आनो है
थाने कोल निभानो है,
कीर्तन की है रात ॥टेर॥

दरबार सांवरिया,
ऐसो सजो प्यारों,
दयालु आपको,
सेवा में साँवरिया,
सगला खड्या है,
हुकुम बस आपको,
सेवा में थारी – सेवा में थारी,
म्हाने आज बिछ जानो है ॥1॥
थाने कोल निभानो है,
कीर्तन की है रात…

कीर्तन की है तैयारी,
कीर्तन करा जमकर,
प्रभु क्यों देर करो,
वादो थारो दाता,
कीर्तन में आने को,
घणी क्यू देर करो,
भजना सूं थाने – भजना सूं थाने,
म्हाने आज रिझानो है ॥2॥
थाने कोल निभानो है,
कीर्तन की है रात…

जो कुछ बन्यों म्हा सूं,
अर्पण प्रभु सारो,
प्रभु स्वीकार करो,
नादान सूं गलती,
होती ही आयी है,
प्रभु मत ध्यान धरों,
“नंदू” साँवरिया – “नंदू” साँवरिया,
थारो दास पुराणो है ॥3॥
थाने कोल निभानो है,
कीर्तन की है रात…

कीर्तन की है रात बाबा
आज थाने आनो है
थाने कोल निभानो है,
कीर्तन की है रात ॥टेर॥